ابنا: میشل سلیمان نے قومی مذاکرات کے شروع کئےجانے پر زور دیتے ہوئے کہا کہ بیرونی جارحیت کا مقابلہ کرنےکے لئے حزب اللہ کی توانائیوں سے استفادہ کیا جانا ضروری ہے۔ انہوں نے کہا کہ لبنان کے قومی مذاکرات میں قومی دفاع کی اسٹراٹیجی کےبارے میں تبادلہ خیال کیا جائے بالخصوص صہیونی ریاست کی جارحیت کا مقابلہ کرنے اور ملک کے دفاع کے لئے حزب اللہ کی توانائیوں سے استفادہ کرنے کے بارے میں فیصلہ کیا جائے۔ ادھر لبنان کی پارلمینٹ میں حزب اللہ دھڑے کے سربراہ نے فوج، قوم اور حزب اللہ کے مثلث پر تاکید کی ہے۔ محمد رعد نے آج بیروت میں ایک تقریب میں حزب اللہ کے مخالف دھڑوں پر نکتہ چینی کرتے ہوئے کہا کہ اگر فوج ، قوم اور حزب اللہ کامثلث ختم ہوجائے تو لبنان کے پاس صہیونی ریاست کے مقابلے میں دفاع کرنے کو کچھ نہیں رہے گا۔
.......
/169
